जनकपुरधाम, २७ फागुन । सप्तरीमा एक प्रहरी जवान दिउँसै रक्सी खाएर सडकमा बबाली गरेको छन् । जिल्ला प्रहरी कार्यालय सप्तरीमा कार्यरत प्रहरी जवान सञ्जिवकुमार रायले रक्सी सेवन गरी राजविराजको सडकमा बबाली गरेका छन् ।
शुक्रबार अपराहन्न ५ बजेतिर राजविराजस्थित महेन्द्र विन्देश्वरी बहुमुखी क्याम्पस अगाडि रक्सीको नशामा मातिएर सवारीचेकजाँच गर्न थालेका थिए ।
स्थानीयले प्रतिकार गरेपछि उनी अर्धनग्न बन्दै गालीगलौज समेत गरेका हुन् । त्यस क्रममा गालीगलौज गर्न थालेपछि स्थानीयले उनलाई रोकेका थिए । त्यसपछि उनले सर्ट फुकालेर सडकमै बडी देखाइरहेको देखिन्छ ।
उनको यो चाला हेर्न भीडै लागेको थियो । जुन भिडियो अहिले अहिले सामाजिक सञ्जालमा भाइरल भइरहेको छ । नशामा लठ्ठ उनी सर्ट फुकालेर अर्धनग्न छन्, स्थानीयसँग वादविवाद गरिरहेका छन् ।
हातमा डण्टा लिएर यताउत्ता दौडिरहेको प्रष्टै देखिन्छ । स्थानीयका अनुसार शुक्रवार साँझ ५ बजेतिर उनले रक्सी सेवन गरी नशामा लठ्ठिएर सडकमा सवारी चेकजाँच गर्न थालेका थिए ।
