जनकपुरधाम, २२ फागुन । मधेश प्रदेशको महोत्तरीबाट १४ लाख भारतीय रुपैयाँसहित नौं जनालाई प्रहरीले पक्राउ परेका छन् ।
पक्राउ पर्नेहरुमा जलेश्वर नगरपालिका ३ का ४३ वर्षीय जितेन्द्र कुमार सिंह, वर्ष ४० का सुशिल साह, १९ वर्षीय धिरज मण्डल, ३२ वर्षीय जिलानी अंसारी, वर्ष ३४ का अकवर अंसारी, वर्ष ५६ का रामएकवाल मण्डल छन् ।
यस्तै जलेश्वर नगरपालिका २ का ३४ वर्षीय सरोज कुमार साह, २७ वर्षीय आनन्द कुमार र भारत बिहार, मोतिहारी जिल्ला मोठलिईया हरसिद्दी थाना ३ बस्ने ३३ वर्षीय जितेन्द्र कुमार महतो रहेको महोत्तरीका प्रहरी प्रवक्ता सन्तोष कुमार पोखरेलले जानकारी दिनुभएको छ ।
उनका अनुसार उनीहरुलाई महोत्तरीको जलेश्वर नगरपालिका ३ मलिवारा बजार स्थितमा अवैध रुपमा नेपाली नोटबाट भारतीय नोट सटही गरिरहेको अवस्थामा पक्राउ गरिएको छ ।
उनीहरुको साथबाट प्रतिबन्धित भारतीय रुपैयाँ १४ लाख ३७ हजार ६४० र नेपाली रुपैयाँ ८२ हजार २०५ बरामद गरेको डिएसी पोखरेलले जानकारकी दिए ।
