जनकपुरधाम, २० फागुन । धनुषामा ट्याक्टरले मोटरसाइकललाई ठक्कर दिँदा दुईजनाको मृत्यु भएको छ।
मृत्यु हुनेमा लक्ष्मीनिया गाउँपालिका ४ सपहीका वर्ष ४५ का रामएकवाल ठाकुर र वर्ष ६० का सत्यनारायण साह रहेको धनुषा प्रहरीले जानकारी दिएको छ ।
जनकपुर ढल्केवर सडक खण्डको लक्ष्मीनियामा शनिवार राति ९ बजे ट्याक्टरले ठक्कर दिँदा मोटरसाइकलमा सवार दुवै जनाको घटनास्थलमै मृत्यु भएको हो ।
दुबैजनाको शव पोस्टमार्टमका लागि प्रादेशिक अस्पताल जनकपुरधाममा राखिएको छ ।
