धनुषामा गोली लागेर दासको मृत्यु

जनकपुरधाम ९ पुस । जिल्ला धनुषाको मुखियापट्टी मुसहरनियाँ गाउँपालिकामा अज्ञात समुहको गोली प्रहारबाट एक जनाको मृत्यु भएको छ। मुसहरिनया गाउँपालिकाकोमा गोली प्रहारबाट ४५ वर्षीय मोटर मिस्त्री धानु दासको मृत्यु भएको हो। शनिबार साँझ करिब पौने ७ बजे घरकै ग्यारेजमा बसिरहेको बेला दासमाथि गोली प्रहार भएको धनुषा प्रहरीले जनाएको छ। छातिमा गोली लागेका दासलाई उपचारका लागि प्रादेशिक अस्पताल जनकपुर लगिएको थियो। अस्पतालले उनलाई मृत घोषित गरेको प्रहरीले जनाएको छ। ‘घरमै रहेको बेला केहि व्यक्ति आएर दासमाथि गोली प्रहार गरेर फरार भएको खबर आएको प्रहरीले जनाएको छ ।
गोली प्रहार गर्ने व्यक्ति नजिकै रहेको भारतीय सीमातर्फ फरार भएको स्थानीयलाई फोकस गर्दै प्रहरीले जनाएको छ। जिल्ला प्रहरी कार्यालय धनुषाका प्रवक्ता प्रदीप क्षेत्रीले भारतीय नम्बर प्लेट भएको पल्सर चढेर दुई जनाको समूहमा आएका व्यक्तिहरू दासमाथि गोली प्रहार गरेर भारततर्फ भागेको जानकारी प्राप्त भएको बताउनुभयो ।